Piktori i njohur peruan i akuarelit, Jorge Corpuna, pikturoi live në demonstrimin e organizuar nga “Art Roof”, në bashkëpunim me shoqatat “VizArt” dhe “IWS Albania”.

Corpuna, fitues i disa çmimeve ndërkombëtare, i cili ishte pjesëmarrës edhe në “Tirana Festivali Ndërkombëtar i Akuarelit”, një demonstrim të ngjashëm e bëri edhe në Bashkinë e Lushnjës.

Performanca e piktorit peruan, e cila u moderua nga piktori i mirënjohur shqiptar, Helidon Haliti, u ndoq nga studentë të Universitetit të Arteve, piktorë dhe dashamirës të artit.