Piktorja Fiorela Grezda po merr pjesë në Firence, në Itali, në ekspozitën e përbashkët me gjyshin e saj, piktorin Qamil Grezda, dhe babain e saj piktor, Ermir Grezda.

Pedagogia e Liceut Artistik “Jordan Misja” ka marrë pjesë në ekspozita të shumta në Itali, Mali i Zi, Spanjë, të till si në Bari International, në Ekspozitat Ndërkombëtare të Venecias, Firences, Malit të Zi, Cantacaro International Art Expo deri në ekspozitën personale “Ëndrra e Lirës” në Hotel Mondial në Tiranë.

Fiorela Grezda është artiste bashkëkohore shumëplanësh që punon me krijimet digjitale, krijon grafika me përdorimin e ngjyrave parësore, artiste e shumëanshme bashkëkohore.

Fiorela ka studiuar Design Interior & Web Design Milan.

Ajo ndërthur traditën me inovacionin, eksplorimin e gjuhës impresioniste dhe pjesëmarrjen në ekspozita ndërkombëtare.

Mediat italiane i kanë kushtuar artikuj të posaçëm ekspozitës së “Tre Grezdave”.