Skulptori shqiptar, Ylli Plaka, i ka dhuruar qytetit italian Savona,  një instalacion të përbërë nga tre veprat të tij, të titulluar “Lune” dhe të vendosura në lagjen Fornaçi, ku banon dhe artisti shqiptar.

Sipas mediave italiane, Plaka jeton prej 33 vitesh në këtë qytet, ku ai ka ndërtuar një familje të bukur dhe ka shprehur aftësitë e tij si artist.

Ylli Plaka lindi në Tiranë më 4 janar 1966. U diplomua për skulpturë dhe qeramikë në Akademinë e Arteve të Bukura, ku ndoqi kurset e skulptorit Thoma Thomai për skulpturë dhe skulptorit të qeramikës Kristo Krisiko për qeramikë.

Në vitin 1991 u transferua në Itali. Ai jeton dhe punon në Savona dhe Albisola, vende me një traditë mijëravjeçare në fushën e qeramikës dhe, që nga shekulli i kaluar, ndër kryeqytetet e qeramikës së artit bashkëkohor.