Nga Dash Frashëri

Një tjetër ekspozitë e sukseshme ndërkombëtare nga piktori shqiptar Agim Sulaj.

Kësaj radhe në qytetin Espinhal, në Portugali, një qytet artadashës.

“Një simbol i pashmangshëm i të gjitha internimeve, migrimeve, arratisjeve apo edhe dëbimeve, valixhe është mbështetësja e kudondodhur në veprën e artistit shqiptar”, shkruan Casimiro Soares Simões, në rrjetet sociale.

Agim Sulaj dhe kuratori Osvaldo Macedo de Sousa

Vetë piktori dhe karikaturisti i njohur vlonjat ishte i pranishëm në ceremoninë e hapes, në nismën e Osvaldo Macedo de Sousa, në partneritet me Casa Família Oliveira Guimarães, e përfaqësuar nga Paula Guimarães, me mbështetjen e Këshillit të Qytetit Penela dhe Këshillit të Famullisë Espinhal.

Përveç dy organizatorëve kryesorë dhe Agim Sulajt, folën edhe kryetari i Bordit, Luís Dias, këshilltarja për Kulturën, Edite Simões dhe kryetari i Dhomës, Eduardo Santos.

Vizitorët u ftuan të merrnin valixhet e vjetra në dhomën e ekspozitës së përkohshme në Casa Oliveira Guimarães, me të cilën u ngrit një instalacion artistik.

Programi u mbyll me një koncert të muzikës së dhomës nga Quarteto Tejo.

Piktori Agim Sulaj nënshkroi disa autografe për të pranishmit.

Media portugeze e priti shumë mirë ekspozitën.

Agim Sulaj ka marrë më shume se 250 çmime ndërkombëtare dhe numëron mbi 36 ekspozita personale.

Ai është shpesh anëtar i jurive ndërkombëtare në ekspozita të ndryshme karikaturash.